top of page
『邱』之良品主要分享與交流煮食&心得,所有作品均附上食譜及煮食小技巧,方便搜尋。煮食向來千變萬化,歡迎互相交流改進創造更高層次飲食境界。
【『邱』之良品 - 超簡單冬瓜卜卜蜆食譜教學】
又到分享食譜的時間啦~ 今日要教大家整的是冬瓜卜卜蜆。
材料:
1. 冬瓜一斤~斤半
2. 蜆(我揀左黃金蜆厚肉鮮甜)
3. 薑數片
4. 芫荽少許
整法:
1. 先將蜆用鹽省一省,再用濃鹽開水浸,期間要攪下佢幫助吐沙。
2. 冬瓜去皮及囊,切幼條或刨蓉。
3. 爆香薑片再落冬瓜條, 煮至淋身就加清雞湯/清水至剛蓋到冬瓜面(因冬瓜同蜆都會出水,所以不宜加太多水)煮至冬瓜八九成透明即加入蜆,小小魚露糖及胡椒粉(喜好嘗辣者可加指天椒粒)煮至蜆開口再兜多兩兜(確保每粒蜆受熱均衡及熟透)
4. 上碟前撒上一把芫荽碎,真係正到不得了。完成!
見到都流曬口水啊~ 係咪好簡單呢?各位新手們不妨試下呢個唔會失敗的食譜啦!
bottom of page